| 如果唔係有條粉腸，經 xanga send 左個 message 俾我
我 check e-mail 時收到通知
我真係唔記得左，原來呢個世界仲有樣野叫「Xanga」 一入番Xanga.com，撞左幾次先記得番個密碼......
之後睇番最新一篇文章，原來已經係零八年十二月既事.....
真真正正，比 Facebook 還要 Deadwood..... 忙碌，只是一個藉口
時間，是自己分配的 |
| |
| 我真是一個 Xanga 的 「Deadwood」！
因為用了大部份時間去清理少年團的「Deadwood」！
看著那分隊總人數由六月的84人，跌至十二月的60人
「經常缺席」的人數大幅下跌了20多人！
真是滿懷興奮！ 但見那出席人數卻不斷下降，
有的更被揭發瞞騙家人番民安隊
但事實卻是跟朋友去了打機睇戲！
更有的突然消失了近三個月還未有領袖聯絡團員
那是什麼的一回事呢？
自問你是否一位「盡責」的領袖呢？ 既然你的肩上比別人多了一點東西
就代表你的資歷已經比別人高
既然你有權利去背上名銜
就要有義務去承擔名銜背後的工作
若你有資格去承擔工作的話，
就證明你已經是一位「領袖」或「管理人」
作為一個「領袖」，一位「管理人」
首先是要對自己的組員有一定的認識
不認得樣貌也不緊要，當然能認得就更好！
但最起碼是聽見個名字都清楚知道是否你的組員！
然後就要懂得「關心」你的組員
不是待組員已缺席三個多月後，要我出聲提點
才懂得致電關心！
最好的方法，是每當團員「無故缺席」的時候
都致電關心一下！而且更應該斥責不事先通知
讓他們學會「自律」和「有責任心」！ 如果團員連自己的組長或領袖都不知道是誰的話
這是領袖的失敗，亦證明了你有否關心過自己的組員！
有否盡你自己作為一個領袖的責任！
不要再說「沒有人教過，難道無師自通？」
很多東西，其實一直都在你身邊等待你去發掘和吸收
只是你沒有留意，而白白浪費了學習的機會
多點留意資歷較深的領袖和輔導員
從中你會有所得著 在未來的日子裡，我將會經常上山
不能出席例行訓練，亦可能不會花太多時間去處理出席問題
如果各位「領袖」繼續這樣下去
即使你們能繼續晉昇，我怕出到總部時只會見醜
此時不只是你一個人感到羞恥，
而是整個分隊，整個組群，甚至整個中隊都感到羞恥！
做好自己，成為真正的「領袖」！ 提提各位團員及領袖
當你是一位團員時，你應該正在學習「如何做一個高級團員」
當你有幸成為高級團員時，你是開始學習「如何做一個副少年領袖」
當你終於捱過了訓練，成為副少年領袖時，你已經在學習「如何做一個少年領袖」
當你有資格成為少年領袖時，你是在思考自己應該「如何成為一個高級少年領袖」
當你踏上了少年團的高峰時，恭喜你！你已經是少年團的榜樣，你的後輩將以你為標準！
同時間，請你不要過於驕傲，並謙虛地把你一切所學的技巧都傳授給你的後輩！
在你退休之前，希望你能使後輩依照你的傳統薪火相傳
若你能做到這一點，再一次恭喜你，你已經領悟了「如何做一個輔導員」！ |
| |
| 近日，奧運馬術特遣隊不斷出勤，使我忙得很！
每天1300到總部報到，2330才於總部刪鐘！
這種情景，由23號開始連續三天，休息一會
然後由27號開始，直踩到八月一日！
在這段期間，我還沒有忘記自區行政，
十一時後還回公司處理及更新所有資料！
當我正想休息的時候，突然想起
八月二日要朝九晚五於總部訓練！
然後還要跟我區各位組長及柴頭開會！
我真的很累了....但事先約好了，責任問題，不得不出席！ 我是個不愛遲到的傢伙，但偏偏總部遲放！
我擔心趕不及到達開門而導致他們久等，
於是出動大佬出車，以極速飛回荃灣區部！
可惜當我回到後，有個不幸的消息，而導致會議取消！
他說：「組長及柴頭覺得區部很遠，所以不想來開會！」
聽後真的有點氣憤！把我的心血全都白費！
由「下葵涌官立中學」來「荃灣政府合署」距離真的很遠嗎？
那麼如果當初我們的區部不獲留在荃灣，而搬了到屯門，那個較遠呢？ 幸福並不是必然的！當初我們D中隊第一分隊組群的輔導員及長官們
用了多少的心機，用了多少的心血才留得住今天的區部！？
才能讓大家不用山長水遠到屯門！
現在卻說荃灣政府合署「很遠」！？
是你們不懂珍惜現在的一切，還是你們真的覺得那麼遠呢？ 只能說，對於你們取消會議的理由，非常失望！ |
| |
| 琴日同女朋友經我細嬸的安排下免費入去「香港迪士尼樂園」暢遊一天！
入去有個安檢工作，要check bag 睇下有無違禁品，例如槍械，界刀等
當我俾佢check之後，佢已經搜到我個bag底，之後仲我個bag有D 少年團的文件
A4 Size 的文件佢都要睇，仲逐張逐張睇！
我問佢睇乜啦~佢話：「睇下你有無帶D抗議的文件」
我細嬸聽到之後好大反應咁話：「要睇抗議既野點會睇A4 Size 的文件呀？你有無病呀？你梗係睇橫額果D架嘛！有無搞錯丫你！」 入到去之後，我細嬸同佢朋友就帶我地兩個去瘋狂購物...
之後佢朋友足足買左成千蚊野，我都唔弱，都買左七百幾蚊
好彩細嬸有65折，折實左都係$510姐~~
之後去左「小小世界」，坐船仔行一個圈，就去左十幾個國家
完全體驗到「世~~界真細~~小~~小小~~」 之後話個鐘每15分鐘會有野跳出黎，過左幾分鐘
唔對路，細嬸去問下，得到個答案係「淨係今日唔出~」！
真係吹漲~~ 然後好有童真地同女朋友去玩木馬，之後會合細嬸佢地
去左食個飽，飲左杯無落糖的凍檸茶，
然後就岩岩好去睇巡遊啦~~仲搞到濕晒添....
睇完之後好醒目的去排定隊，做咩？
就係同米奇影相！影完仲走去曬相，$120 一張8R
我曬左兩張~~又係65折，不過未比番錢細嬸~"~ 之後細嬸同朋友走先，我就同女朋友繼續行程
先去左同「史迪仔」傾計，有部大電視，史迪仔係電視同我地講野
幾得意，有搞笑！之後上左泰山屋，搭左木筏同導遊船，
之後先醒起未睇Golden Meiki, 不過已經太遲.....
所以就番去美國小鎮大街睇煙花！超靚~~~ 睇完之後就走lu~~去左長發同朋友食壽司
超平，$101 五個人食仲要食得好飽~~！
之後送埋女朋友搭車就番屋企Lu~~ |
| |
| 又一個月無打Xanga 啦~
點解？因為忙完 FYP 就要忙 CAS 啦~ FYP 過左咁耐，見左兩份工，都無乜聲氣...
所以「全職民安隊」中！日日番老豆公司唔係開工
係搞少年團行政工作，短短個零月，已經成功「侵略」左CD13！A_A
現在的CD13，就係CD12的複製版~~所有行政分組分工都同舊時的CD12一樣~~嘿！ 不過CD13的災情比CD12更為嚴重......
全區71個Cadets, 每次訓練得 28 ~ 31 人番黎....
而番黎的人，三柴打落就係一柴，仲要係新晉的....
Deadwood 同 斷層的問題簡直同汶川的重災區一樣！ 而家個目標，之係希望可以Keep住班新仔繼續番，
舊人就要慢慢搵番晒番黎，時間問題，急唔黎既~~
如果可以Keep新人唔走，已經老懷安慰啦~~ 忙左咁耐，我有無休息過呢？
梗係有啦~~係FYP完成左之後無耐，
我已經買左兩隻「正版」Game備用啦~~
家下就黎打爆其中一隻添~~
玩咩？咪 Biohazard 4 囉~~ 有時都幾驚下
唔知有咩無啦啦彈出黎，不過當真係彈出黎之後
都真係幾失望....因為太易過啦=__= 上星期收到封大學信，話我有Offer 讀part-time degree
係 Leeds Metropolitan University 讀 Multimedia and Entertainment Technology
讀年半，同二佬一齊畢業~~hehe~~ |
| |
